By þe kyng Worshipful fader in god. Ryght trusty and wel beloued. ffor as muche as oure ryht trusty and welbeloued Clerc
. . . maistre henri ware. Elit to þe Byssho priche of Chichestre haþ deliuered to vs þe bulles of
prouision maad vnto hym by oure holy fader þe pope of þe said Byssho(pri)che. and þe same Elit haþ maad
renunciacion of alle þe wordes contened in þe said bulles of prouision þat myghte be preiudiciel
vnto vs and to oure corowne: And also maad his feawte. vnto vs for þe temporalitees. þat longen to þe forsaid byssho priche.
We wol þat by oure lettres to be maad in due forme vnder oure greet seel: ye do make to þe said Elit res titucion
and liueree of þe temporalitees þat longen to þe same Bysshopriche: oure saide lettres vnder oure
greet seal beringe þe date of þe .xiij. day of þe moneþ of May last passed. Yeuen vnder oure signet in oure
hoost beside our town of Pont de larche. þe .x. day of Iuill:

   
Note: [Calendared Kirby 841. See no.23 above. Livery recorded 13 May 1418, CPR 1416-22, p. 171.] [cancel] [torn]