By þe king Worshipful fader yn god oure right trusty and welbeloued. We grete yow wel / And for asmuche as we haue ordei ned
oure trusty and welbeloued knyght Iohn of Radclif. to be oure Conestable of Bourdeux And also to be Captaine of oure Castel
of fronsac for þe grete trust þat we haue to his trewthe and discrecion. we wol and charge yow þat by þauis of
oure broþer of Bedford and oþer of oure conseil þere in Englande. ye trete and accorde wiþ te said
Iohn for his abidyng þere. And so þat he may do vs good seruice. as hit semeþ best to youre discrecions for oure
auantage and proffit of þe cuntree And þat ye spede him in al þe haste þat ye may. And se þat he tarye
not þere: as oure trust is to to yow And god ha(ue yo)w in his keping Yeuen vnder oure signet in oure Castel of Rouen þe . . . (Signed) Shir(yngton)

   
Note: [Calendared with other references Kirby 865.] [torn off]