Worshipful fader yn god / oure right trusty and welbeloued. We grete yow wel And we wol þat vpon þe contenn of þe sup plicacion
closed wiþin þis / ye do make vnto oure welbeloued seruant Piers Logge / yeman of oure Chambre oure
writtes of liberate and allocate vnder oure grete seal in due fourme / by vertue of þe whiche / he may haue paiement of al
þat is behinde and due vnto him of vj.d a day / by þe handes of þe visconte of Wilton. not wiþstanding
þe preferrement of x.ml. li. þat we haue as ye knowe wel / And god haue yow in his keping. yeuen vnder
oure signet in oure towne of Mante þe xix. day of Iuyn S (Signed) Shiryngton

   
Note: [Calendared with references, Kirby 866. Grant recorded 26 Aug. 1416, CPR 1416-22, p. 56.]