By the Kyng Worshipful fader yn god / oure Right trusty and Welbeloued / ffor asmuche as oure seruant Iohn Bayll barbour hauyng
of oure confirmacion .x. marc yerly for terme of his lif at oure Eschequer: ys behinde and vnpaide þerof .vj. yere at
Ester next comyng as he sayth: We wol / þat ye ordeine / þat he haue oure writtes of liberate and allocate / by þe
whiche he may be paide of þe saide annuitee / Notwiþstan dyng þe preferrement þat we haue as ye knowe /
Yeuen vnder oure signet yn oure towne of Rouen þe x day of ffeuerer / (Signed) Shiryngton

   
Note: [Calendared Kirby 888. Confirmation recorded 1 Oct. 1413, CPR 1413-16, p. 101.]