By the king Chanceller there is oon Thomas walweynes wyf which hath maad a greuous compleynt vnto vs vpon sir Iohn
Skydmore And for asmuche as we had ordenned bothe parties for to bee before vs or oure conseil for to (haue) had knowlache
of the matere þat þay stande in debat fore / and for to haue made an ende þereof / And hit is soo
now / þat we may nat g(oo)dly ende þere to at this tyme / as ye wot considered oure hasty departyng hens / we w(ol n)at
nat wiþstandyng / þat we suppose she standeth not in the right / be cause s(he is) sumwhat a des cl(aunder)ouse
womman / and also þat we kepe nomore to be wexed wiþ hir encombrous poursuites / þat ye doo sende
for bothe the saide parties to comme before yow at suche day as yow semeth Resounable / for to here the saide matere of controuersie /
and make an ende therein / as we shal telle yow to morwe more pleinly by mouthe But algates / yeueth hem to morwe here day / whanne thay
shal be with yow / yeuen vnder oure signet of the Egle at lambehith / this day / þe .xxij. day of may (Signed) Toly]

   
Note: [Calendared with explanations, Kirby 906.] [torn] [rubbed]