Paston family. Paston letters and papers of the fifteenth century, Part I [a machine-
readable transcription]
Electronic Text Center, University of Virginia Library
|
Table of Contents for this work | | All on-line databases | Etext Center Homepage |
PROBABLY TO THE SHERIFF OF NORFOLK: DRAFT 1452, 04, 23
Reuerent and ryth worsepfull ser and my god master, I recommand me to yow. Plese yow to wete þat Charlis Nowell, with odir, hath in þis cuntré mad many riot and savtis, and amo[n]g othir he and v of his felachip set vp-on me and to of my seruantis at þe Chathedrall chirch of Norwich, he smyti[n]g at me whilis on of his felaws held myn armis at my bak
-67-
as the berer herof shall more playnly inform yow; whech was to me straw[n]ge cas, thi[n]k[i]ng in my co[n]seyth þat I was my lordis man and his homagere or Charlis knew hy[s] lo[r]dschipe and þat my lord was my god lord, þat I had be with my lord at London within viij day[[s]] be-for Lent, at which tyme he grantyd me his godlordship so largely þat it must cause me euer to be his trew serua[n]t to myn pow[er]. I thowt also þat I had neuer geff cawse to non of my lordis hous to ow me evill will, ne þat þer was non of þe hows but I wold haue do fore as I cowd desire animan to do for me, and yet will, except my aduersaré. And þus I and my frendis haff mwsid of þis, and thowt he was hired to do þus, and þis notwithstandi[n]g, assone as knowlech was had of my lordis coming to Frami[n]gham, neuer attemptid to procede ageyns him as justis and law wuld, but to trust to my seyd lord þat his Hyghnes wold se þis punischid, and desirid my mast[er] Howar[d], mi cosin Tymperlé, þe dene, and odir to dayly hath be redy with such jentilm[[en]] as dwelle here-a-bought that can record the trought to haue come compleyn to my lord, but we haue had contynually tydyngis of my lordis comyng heder that causid vs for to a-bide there-vp-vn, besechyng your gode maystershep that ye wull lete my lord haue knowlech of my compleynt, and that ye wull tender the gode spede of the entent of the letteris wretyn to you fro jentilmen of this shire, prayng you that ye woll yeve credens to the berere here-of, be his gode mayster in cas any man make any qwarell to hym. And what that I may do be your comaundment shall be redi with the grace of God, how haue you in his blissid kepyng. Wretyn at Norwhich vn Seynt Georgis Day. To my lord þe [?]ch[[...]] of þis[[...]]
-68-